- Home
- मेरो लिम्पियाधुरा
- साहेबहरूका चटक
साहेबहरूका चटक
पर्दा लाग्दै छन् उघ्रदैछन् लाग्दै, उघ्रँदै गर्दै छन् - पर्दाहरू नाटक देखाउदैछन्, साहेबहरू साहेबहरू आउदैछन् चटक देखाउदैछन् जादैछन् हामी ताली बजाउँदैछौ साहेबहरू बाली बजाउँदैछन् । ताली बजाउँदा बजाउँदै हाम्रा त हातहरू खिइ सके चटक हेर्दा हेर्दा हाम्रा त अनुहारहरू मरन्च्याँसे भै सके तै पनि हामी चटक हेर्दैछौ बिचारा साहेबहरूलाई माया गर्दैछौ हौसला दिदैछौ चटक प्रवर्धन गर्दैछौ हो आज पनि साहेबहरू चटक देखाउदैछन् हामी चटक हेर्दैछौ । सम्झन पनि पट्यार लाग्ने समयदेखि यसरी नै नाटक हेर्दै चटक हेर्दै साहेबहरूका नाटक र चटकमा ताली बजाउँदै यसरी नै चलिरहेछ एउटा यात्रा निरन्तर चलिरहेछ चलिरहेछ । अनायास एउटा सूचना आएको छ साहेबहरूका लागि, नाटक हेर्न एउटा हूल आउँदैछ हूल केटाकेटीको हूल नानीहरूको हूल बालकहरूको । साहेबहरूले नाटक देखाउँदा हूलले आँखा चिम्लिने छ साहेबहरूले चटक देखाउँदा हूलले साहेबहरूलाई पनि चटक देखाउनेछ बालकहरूको चटकमा साहेबहरू नाङ्गो हुनेछन् दौडिने छन् साहेबहरू गल्ली र चोकतिर जसरी एउटा राजा एउटा बालकले नाङ्गो पारेपछि दौडेथ्यो दरबारतिर । २०७१ आषाढ ।
कविता क्रम
- आवरण
- प्रथम पृष्ठ
- यी कविताको कथा
- मेरो लिम्पियाधुरा
- अहिलेको गाउँ
- साहेबहरूका चटक
- तीज पहिले र अहिले
- अहिले
- अगाडी हिँड्नेसँग
- को कसका सन्तान ?
- राता फुलकी माली
- भत्काउनेहरू
- विडम्बना
- ठूला घरेहरू
- मान्छे र मान्छेको भविष्य
- आफन्तहरू
- सानु बाबुलाई सलाम
- नियमापत्ति
- रङ् पोत्नेहरू
- यात्रा
- युद्ध भयो – युद्ध भएन पनि
- भ्रम
- समयलाई सलाम
- अहिले
- मेरो नेता
- त्यो रूख कसले रोपेको हो ?
- सिंहदरवार
- यो नयाँ बर्ष
- आत्म दाह
- भरखरै चुनाव सकिएको छ
- उनीहरू ऐना हेर्दैनन्
- उनीहरू आए गए
- फोहोरको डङ्गुर
- नागरिकता विधेयक
- उनीहरूले सपथ लिए
- सेता अपराधीहरू
- अन्तिम कभर पृष्ठ